Մարդու մեջ հաստատուն է և հուսալի միայն այն, ինչ նրա բնության մեջ ներծծվել է կյանքի առաջին շրջանում 

Յա. Կոմենսկի

 Էթիկան մեր կրթահամալիրում

 

Էթիկան և արժեքները իրենց մեջ ներառում են ուղղորդող սկզբունքներ,  որոնք հիմք են հանդիսա-նում առավել հստակ քաղաքականության, կանոնների սահմանման և, ընդհանրապես, որոշումների կայացման ժամանակ: Յուրաքանչյուր անհատ ունի որոշակի էթիկական նորմեր և արժեքային համակարգ, որը կարող է հակադրվել կրթահամալիրի կողմից ընդունելի արժեքներին և էթիկական նորմերին: Հետևաբար "Օհանյան" կրթահամալիրի "Էթիկական և կարգապահական նորմեր" փաստաթուղթը, որը ստորագրում է վարժարանի յուրաքանչյուր սան, օգնում է վերանայել, շտկել և կրթահամալիրում ուսանելու տարիներին առաջնորդվել այդ նորմերով: Գործողությունները և քայլերը, որոնք կարող են համարվել ընդունելի կրթահամալիրից դուրս, հնարավոր է իրենց հակադրումը գտնեն այստեղ: Կրթահամալիրի հիմնադիրների խորհուրդը, տնօրենությունը և ողջ մանկավարժական կազմը իր առաքելությունն է համարում   կրթել և դաստիարակել էթիկական և բարոյական արժեքային   բարձր համակարգով կերտված սոցիալապես պատասխանատու անհատների:

  

ՊԱՀԱՆՋՎՈՂ ՓԱՍՏԱԹՂԹԵՐՆ ԸՍՏ ԴԱՍԱՐԱՆՆԵՐԻ

Տարիքային բոլոր խմբերի համար դիմումը լրացվում է տեղում:

I դաս.

•3×4 չափի երկու լուսանկար

•բժշկական քարտ

II-XI դաս.

• տեղափոխման թերթիկ

•3×4 չափի երկու լուսանկար

• բժշկական քարտ

• անձնական գործերի փաթեթ (նախկին դպրոցից)

X դասարան ընդունվողների համար պարտադիր է նաև IX դասարանում տրված վկայականի առկայությունը:

ԸՆԴՈՒՆԵԼՈՒԹՅԱՆ ԿԱՐԳԸ

“Օհանյան” կրթահամալիրում 2009 թ. հունվարից ընդունելությունն իրականացվում է հետևյալ կարգով. Անվճար տեղերի համար անհրաժեշտ է.

•հայոց լեզու, մաթեմատիկա, ռուսաց լեզու, անգլերեն առարկաներից վարժարանում անցկացվող ծածկագրված գրավորներից 57-60 գումարային միավոր,

•բոլոր առարկաներից գերազանց առաջադիմություն,

•ֆիզիկա, կենսաբանություն, քիմիա, աշխարհագրություն առարկաներից անցնել հարցազրույց` պետականորեն սահմանված ծրագրերին համապատասխան:

•անվճար և զեղչային տեղերի համար սահմանված վարձավճարը պահպանվում է մեկ ուստարի, վերանայվում է տարվա վերջում և շարունակում է նույնությամբ գործել նաև հաջորդ ուսումնական տարվա ընթացքում, եթե աշակերտը տվյալ ուստարում ցուցաբերել է գերազանց առաջադիմություն:

ՎՃԱՐՈՎԻ ՏԵՂԵՐԻ ՀԱՄԱՐ ԻՐԱԿԱՆԱՑՎՈՒՄ Է.

•թիմային աշխատանք,

•հարցազրույց` հայոց լեզու և մաթեմատիկա առարկաներից,

•ընդհանուր հարցազրույց ընդունելության հանձնաժողովի անդամների հետ:

ՊԱՅՄԱՆԱԿԱՆ ԸՆԴՈՒՆԵԼՈՒԹՅՈՒՆ

•վարժարանի կողմից ամրագրված կրթական նորմերին չբավարարելու դեպքում աշակերտը կարող է ընդունվել պայմանականորեն,

•երկու իրար հաջորդող քառորդներում բոլոր առարկաներից միջինից ցածր առաջադիմություն ցուցաբերելու դեպքում աշակերտը հեռացվում է կրթահամալիրից,

•(որոշ դեպքերում հնարավոր է հաշվի առնել աշակերտի առաջընթացը և աշխատասիրությունը),

•ինչպես վճարովի, այնպես էլ անվճար համակարգում սովորող աշակերտները համապատասխան աշխատասիրություն, կարգապահություն չցուցաբերելու դեպքում կարող են հայտնվել պայմանական համակարգում,

•պայմանական համակարգում սովորող աշակերտների հետ ծնողի ցանկության դեպքում հնարավոր է աշխատել անհատապես (երկարօրյա պարապմունքների կազմակերպում):

ՀԵՌԱՑՄԱՆ ԿԱՐԳԸ

Յուրաքանչյուր տարվա մինչև սեպտեմբերի 10-ը աշակերտի հետ

•կնքվում է կարգապահական և էթիկական նորմերի փաստաթուղթ, իսկ ծնողների հետ կնքվում է պայմանագիր,

•կարգապահական և էթիկական նորմերի խախտման, ինչպես նաև միջինից ցածր առաջադիմություն ցուցաբերելու դեպքում երեխան տեղափոխվում է ուսուցման պայմանական համակարգ, և հեռացվում ` երկու իրար հաջորդող քառորդ պայմանական համակարգում մնալու և վարքն ու առաջադիմությունը չբարելավելու դեպքում,

•տարվա ընթացքում մեկ բանավոր և երեք գրավոր նկատողություն ստանալու դեպքում աշակերտը հեռացվում է կրթահամալիրից,

•վերոհիշյալ փաստաթղթերի պահանջների կոպիտ խախտումների առկայության դեպքում հնարավոր է հեռացում առանց նախազգուշացման` տնօրենի, մանկավարժական խորհրդի կամ հիմնադիրների խորհրդի համապատասխան որոշման առկայության դեպքում: